Anand Mohan J 

ராமர் கோயில் தொடர்பான உச்ச நீதிமன்றத்தின் தீர்ப்பை ரத்து செய்ய காங்கிரஸ் விரும்புவதாகக் கூறிய பிரதமர் நரேந்திர மோடி, அயோத்தியில் கோயிலுக்கு பாபர் பூட்டு போடுவது அல்லது ஜம்மு காஷ்மீரில் சட்டப்பிரிவு 370ஐ மீண்டும் கொண்டு வருவது போன்ற திட்டங்களில் காங்கிரஸ் கட்சி வெற்றி பெறுவதை தடுக்க, தனக்கு 400 இடங்கள் தேவை என்றும் கூறினார்.

ஆங்கிலத்தில் படிக்க: PM Modi says 400 seats needed to stop Congress from ‘putting Babri lock on Ram Mandir’

400 இடங்கள் தேவை என்று பிரதமர் கூறி வருவதற்கான, காரணங்களில் இது அடுத்தக்கட்ட நகர்வு, ஏனெனில் தேர்தலுக்கு முன் அவர் எந்த காரணத்தையும் கூறவில்லை. முதல் கட்ட தேர்தலுக்குப் பிறகு, தலித்துகள், பழங்குடியினர் மற்றும் ஓ.பி.சி.க்களின் இட ஒதுக்கீட்டை காங்கிரஸ் திருடுவதை தடுக்க, 400 எண்ணிக்கையை கடக்க வேண்டும் என்று மோடி கூறினார்.

மத்தியப் பிரதேசத்தின் கர்கோன் மற்றும் தார் மாவட்டங்களில் பேசிய மோடி, “400 இலக்கு” என்ற முழக்கம் அரசியலமைப்பை ஒழிப்பதை நோக்கமாகக் கொண்டது என்ற காங்கிரஸ் கட்சியின் குற்றச்சாட்டுகளை எதிர்த்தார். “காங்கிரஸ் பொய்களைப் பரப்புகிறது... அவர்களுக்குத் தெரியாதா 2019 முதல் 2024 வரை... என்.டி.ஏ கூட்டணிக்கு ஏற்கனவே சுமார் 400 இடங்கள் ஆதரவு இருந்தது... ஆனால் இப்போது மோடிக்கு 400 இடங்கள் தேவை, இதனால் காங்கிரஸால் காஷ்மீரில் 370வது சட்டப்பிரிவை மீண்டும் கொண்டு வந்து பிரச்சனையை உருவாக்க முடியாது. மோடிக்கு 400 இடங்கள் தேவை, அதனால் அயோத்தியில் ராமர் கோயில் மீது காங்கிரஸால் பாபர் பூட்டு போட முடியாது” என்று தார் பிரச்சாரத்தில் மோடி கூறினார்.

கர்கோனில், “இந்தியா வரலாற்றில் ஒரு முக்கியமான கட்டத்தில் உள்ளது. இந்தியாவில் ‘வாக்கு ஜிஹாத்’ நடக்குமா அல்லது ‘ராம ராஜ்ஜியம்’ நடக்குமா என்பதை நீங்கள்தான் முடிவு செய்ய வேண்டும்” என்று மோடி கூறினார்.

“பாகிஸ்தானில், பயங்கரவாதிகள் இந்தியாவுக்கு எதிராக ஜிஹாத் அச்சுறுத்துகிறார்கள், இங்கே காங்கிரஸ்காரர்களும் மோடிக்கு எதிராக ‘வாக்கு ஜிஹாத்’ செய்ய அறிவித்துள்ளனர், ஒரு குறிப்பிட்ட மதத்தைச் சேர்ந்தவர்கள் ஒன்றிணைந்து மோடிக்கு எதிராக வாக்களிக்குமாறு கேட்டுக் கொண்டனர். ஏமாற்றம் மற்றும் விரக்தியால் காங்கிரஸ் எந்த நிலைக்குத் தள்ளப்பட்டுள்ளது என்பதை யோசித்துப் பாருங்கள். ‘வாக்கு ஜிஹாத்’ உங்களுக்கு ஏற்புடையதா? ஜனநாயகத்தில் இதை அனுமதிக்க முடியுமா? இந்திய அரசியலமைப்பு இந்த வகையான ஜிஹாத்தை அனுமதிக்கிறதா? என்று மோடி கேள்வி எழுப்பினார்.

"காங்கிரஸ் கட்சியின் சதி" எவ்வளவு "ஆபத்தானது" என்பதைப் புரிந்து கொள்ள, அக்கட்சியை விட்டு வெளியேறிய தலைவர்களைக் கேட்க வேண்டும் என்று பிரதமர் கூறினார். ராமர் கோயிலுக்குச் சென்றபோது, காங்கிரஸை விட்டு வெளியேறும் அளவுக்கு சித்திரவதை செய்யப்பட்டதாக ஒரு பெண் கூறினார். மற்றொரு நபர், முஸ்லீம் லீக் மற்றும் மாவோயிஸ்டுகள் காங்கிரசை கைப்பற்றிவிட்டனர் என்றார். மூன்றாவது நபர் ஒரு ஆழமான சதியை வெளிப்படுத்தினார், ஷா பானோ வழக்கில் உச்ச நீதிமன்றத்தின் தீர்ப்பை அவரது தந்தை ரத்து செய்தது போல், காங்கிரஸின் ஷாஜாதா (இளவரசர்) (ராகுல் காந்தியைப் பற்றிய குறிப்பு) ராமர் கோயில் தொடர்பான உச்ச நீதிமன்றத்தின் தீர்ப்பை ரத்து செய்ய விரும்புகிறார். நான்காவது நபர் கடந்த இரண்டு ஆண்டுகளாக, மக்கள் ஒரு பெரிய சதியில் ஈடுபட்டுள்ளனர் என்று வெளிப்படுத்தினார், அதாவது காங்கிரஸ் கட்சி மோடியை பொய்யான குற்றச்சாட்டுகளில் சிக்க வைக்க முடிவு செய்துள்ளது, வதந்திகளை பரப்பியது. அதனால்தான் இன்றைய நாட்களில் அரசியல் சாசனம் குறித்து பொய்கள் பரப்பப்படுகின்றன, அதனால்தான் நாடு அசாதாரண சூழ்நிலையில் இருக்கிறது என்று பேசுகிறார்கள், என்று மோடி கூறினார்.

ஜம்மு காஷ்மீரில் இந்திய விமானப்படை கான்வாய் மீது நடத்தப்பட்ட தாக்குதலை தேர்தல் ஸ்டண்ட் என்று விமர்சித்த முன்னாள் பஞ்சாப் முதல்வர் சரண்ஜித் சிங் சன்னியை தாக்கிய மோடி, “ஒவ்வொரு கட்ட வாக்குப்பதிவிலும், பாகிஸ்தான் மீதான காங்கிரஸின் அன்பு உச்சத்தை எட்டுகிறது. இவர்களின் அறிக்கைகள் வியக்க வைக்கின்றன. நமது ராணுவம் தீவிரவாதத்திற்கு எதிராக தாக்குதல்களை நடத்துகிறது, ஆனால் பாகிஸ்தான் அப்பாவி என்று காங்கிரஸ் முன்னாள் முதல்வர் ஒருவர் கூறுகிறார். இது நமது ராணுவத்திற்கு அவமானம் இல்லையா?” என்று கேள்வி எழுப்பினார்.

மேலும், ஆர்.ஜே.டி தலைவர் லாலு பிரசாத் யாதவை தாக்கிய பிரதமர், “தீவன ஊழல் வழக்கில் சிறையில் இருந்த” தலைவர், “முஸ்லிம்களுக்கு இடஒதுக்கீடு கிடைக்க வேண்டும், இடஒதுக்கீடு மட்டுமின்றி, முழு இடஒதுக்கீடும் முஸ்லீம்களுக்கு செல்ல வேண்டும் என்று கூறுகிறார்” என்று கூறினார்.

“இதன் அர்த்தம் புரிகிறதா? அதாவது எஸ்.சி, எஸ்.டி மற்றும் ஓ.பி.சி சமூகங்கள் அனுபவிக்கும் அனைத்து இடஒதுக்கீட்டையும் பறித்துவிட்டு, முழு இடஒதுக்கீட்டையும் முஸ்லிம்களுக்கு வழங்க விரும்புகிறார்கள். ஆனால் ஏன் இப்படி செய்கிறார்கள்? ஏனென்றால், அவர்கள் பிழைத்துக்கொண்டிருக்கும் ஒரே வாக்கு வங்கி இதுவே, அவர்கள் எல்லாவற்றையும் இழந்துவிட்டார்கள், எல்லோரும் ஒவ்வொருவராக அவர்களை விட்டு வெளியேறிவிட்டார்கள்,” என்று மோடி கூறினார்.

“விளையாட்டுகளிலும் சிறுபான்மையினருக்கு முன்னுரிமை அளிப்பதே காங்கிரஸின் நோக்கம், அதாவது கிரிக்கெட் அணியில் யார் இருக்க வேண்டும் என்பதை இப்போது மதத்தின் அடிப்படையில் காங்கிரஸ் முடிவு செய்யும். நான் இன்று காங்கிரஸைக் கேட்கிறேன், இதைத்தான் அவர்கள் விரும்பினார்கள் என்றால், ஏன் 1947ல் பாரத அன்னையை மூன்று துண்டுகளாகப் பிரித்தார்கள்? 1947ல் ஒட்டுமொத்த நாட்டையும் பாகிஸ்தானாக மாற்றி, இந்தியாவின் பெயரையும் இருப்பையும் அப்போதே அழித்திருக்க வேண்டும். இதை நான் இன்று உரத்த குரலில் கூறுகிறேன், அனைத்து காங்கிரஸ்காரர்களும் அவர்களின் கைக்கூலிகளும் கவனமாகக் கேட்க வேண்டும், இந்த மோடி உயிருடன் இருக்கும் வரை, தவறான மதச்சார்பின்மை அல்லது மதச்சார்பின்மை என்ற பெயரில் இந்தியாவின் அடையாளத்தை அழிக்கும் எந்த முயற்சியையும் அனுமதிக்க மாட்டேன்,” என்று மோடி கூறினார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

Rahul Gandhi: நாடு முழுவதும் உள்ள பல்வேறு பல்கலைக்கழகங்களைச் சேர்ந்த 181 துணை வேந்தர்கள், கல்வியாளர்கள் இணைந்து காங்கிரஸ் எம்.பி. ராகுல் காந்திக்கு ஒரு ஓபன் லெட்டர் (திறந்த மடல்) எழுதியுள்ளனர். அண்மையில், பல்கலைக்கழக துணை வேந்தர்கள் நியமனம் பற்றி ராகுல் காந்தி பேசிய கருத்துக்கு எதிர்வினையாற்றும் வகையில் அவர்கள் இந்தக் கடிதத்தை எழுதியுள்ளனர். ‘ஒளி தருபவர்கள் எரியூட்டப்படுகிறார்கள்’ என்ற தலைப்பில் அக்கடிதம் எழுதப்பட்டுள்ளது.

ஆங்கிலத்தில் படிக்கவும்: V-Cs, academics accuse Rahul of spreading rumours, seek action as per law

அந்தக் கடிதத்தில், “காங்கிரஸ் கட்சியின் ராகுல் காந்தி அண்மையில் பல்கலைக்கழக துணை வேந்தர்கள் நியமனம் பற்றி ஒரு கருத்தைத் தெரிவித்திருக்கிறார். அதில் பல்கலைக்கழக துணைவேந்தர்கள் பலரும் ஒரு குறிப்பிட்ட அமைப்புடன் சார்பு கொண்டிருப்பதாலேயே அந்தப் பதவிக்கு நியமிக்கப்படுவதாகக் கூறியிருக்கிறார். உண்மையில் துணை வேந்தர்கள் தேர்ந்தெடுக்கப்படும் செயல்முறையானது தகுதி, புலமை மற்றும் ஒருமைப்பாடு போன்ற மதிப்பீடுகளின் அடிப்படையில் கடுமையான, அதேவேளையில் வெளிப்படைத் தன்மை நிறைந்த நடைமுறைகளைக் கொண்டது.

அவ்வாறாக தேர்ந்தெடுக்கப்படும் நாங்கள் அறிவின் பாதுகாவலர்களாக, கல்வித் துறையின் நிர்வாகிகளாக நிர்வாக ஒருமைப்பாடு, நெறிமுறை, நடத்தை ஆகியவற்றின் உச்ச நிலைகளைப் பேணுவதில் உறுதியுடன் செயல்படுகிறோம். ஆனால், அரசியல் ஆதாயத்துக்காக ராகுல் காந்தி துணை வேந்தர் பதவியையே இழிவுபடுத்தும் வகையில் உண்மைக்குப் புறம்பானவற்றைப் பேசியுள்ளார். அவர் மீது சட்டப்படி உரிய நடவடிக்கை எடுக்கப்பட வேண்டும்” என்று கோரிக்கை விடுக்கப்பட்டுள்ளது. 

"ஆதாரமற்ற வதந்திகளைப் பரப்புவதைத் தவிர்க்கவும், புனைகதைகளிலிருந்து உண்மையை வேறுபடுத்துவதில் பகுத்தறிவைக் கடைப்பிடிக்குமாறு சம்பந்தப்பட்ட அனைத்து நபர்களையும் நாங்கள் கடுமையாக கேட்டுக்கொள்கிறோம். மேலும், ஒரு மாறும் மற்றும் உள்ளடக்கிய கல்விச் சூழலை உருவாக்கும் எங்கள் பகிரப்பட்ட இலக்கை நன்கு அறிந்த, ஆக்கபூர்வமான மற்றும் ஆதரவளிக்கும் உரையாடலில் பங்கேற்கவும் வலியுறுத்துகிறோம்" என்றும் அந்த கடிதத்தில் தெரிவிக்கப்பட்டுள்ளது. 

முன்னதாக ராகுல் காந்தி, “பா.ஜ.க ஆட்சியில் பல்கலைக்கழகங்களின் துணை வேந்தர்கள் நியமனம் என்பது தகுதியின் அடிப்படையில் நடைபெறவில்லை. ஆர்.எஸ்.எஸ் அமைப்புடன் தொடர்பில் இருந்ததன் அடிப்படையில் மட்டுமே வழங்கப்படுகிறது” என்று விமர்சித்து இருந்தார். அதற்குக் கண்டனம் தெரிவித்தே இக்கடிதம் எழுதப்பட்டுள்ளது.

அந்தக் கடிதத்தில் கையெழுத்திட்டவர்களில் இந்தியப் பல்கலைக்கழகங்கள் சங்க தலைவர் மற்றும் மேகாலயா அறிவியல் மற்றும் தொழில்நுட்ப பல்கலைக்கழகம் துணைவேந்தர் பேராசிரியர்  ஜி.டி. சர்மா, இந்தியப் பல்கலைக்கழகங்கள் சங்க துணைத் தலைவர் மற்றும் கான்பூர் சத்ரபதி ஷாஹு ஜி மகாராஜ் பல்கலைக்கழக துணைவேந்தர் பேராசிரியர் வினய் பதக், இந்தியப் பல்கலைக்கழகங்களின் சங்க பொதுச் செயலாளர் மற்றும் ஹரியானா பகத் பூல் சிங் மகளிர் பல்கலைக்கழகம் முன்னாள் துணைவேந்தர் பேராசிரியர் பங்கஜ் மிட்டல், அகில இந்திய தொழில்நுட்பக் கல்வி கவுன்சில் தலைவர் மற்றும் கவுகாத்தி ஐ.ஐ.டி முன்னாள் இயக்குனர் டாக்டர் டி ஜி சீத்தாராம் மற்றும் அகில இந்திய தொழில்நுட்பக் கல்வி கவுன்சில்பேராசிரியர் அனில் சஹஸ்ரபுதே, ஜவஹர்லால் நேரு பல்கலைக்கழக துணைவேந்தர் சாந்திஸ்ரீ துலிப்புடி பண்டிட், டெல்லி பல்கலைக்கழக துணை வேந்தர் யோகேஷ் சிங், ஐஐஎம் கல்வி நிறுவனத்தின் ராய்ப்பூர் இயக்குநர் ராம் குமார் ககானி உள்ளிட்ட பலரும் கையெழுத்திட்டுள்ளனர்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“